70:1 in finem David in rememoratione eo quod salvum me fecit Dominus

70:2 Deus in adiutorium meum intende * Domine ad adiuvandum me festina;

70:3 confundantur et revereantur qui quaerunt animam meam

70:4 avertantur retrorsum et erubescant qui volunt mihi mala avertantur statim erubescentes qui dicunt euge euge

70:5 exultent et laetentur in te omnes qui quaerunt te et dicant semper magnificetur Deus qui diligunt salutare tuum

70:6 ego vero egenus et pauper Deus adiuva me adiutor meus et liberator meus es tu Domine ne moreris