53:1 in finem pro Melech intellegentiae David dixit insipiens in corde suo non est Deus

53:2 corrupti sunt et abominabiles facti sunt in iniquitatibus non est qui faciat bonum

53:3 Deus de caelo prospexit in filios hominum ut videat si est intellegens requirens Deum

53:4 omnes declinaverunt simul inutiles facti sunt non est qui faciat bonum non est usque ad unum

53:5 nonne scient qui operantur iniquitatem qui devorant plebem meam ut cibum panis

53:6 Deum non invocaverunt illic trepidabunt timore ubi non fuit timor quoniam Deus dissipavit ossa eorum qui hominibus placent confusi sunt quoniam Deus sprevit eos

53:7 quis dabit ex Sion salutare Israhel dum convertit Deus captivitatem plebis suae exultabit Iacob et laetabitur Israhel