86:1 Filiis Core. Psalmus cantici. Fundamenta ejus in montibus sanctis ;

86:2 diligit Dominus portas Sion super omnia tabernacula Jacob.

86:3 Gloriosa dicta sunt de te, civitas Dei !

86:4 Memor ero Rahab et Babylonis, scientium me ; ecce alienigenæ, et Tyrus, et populus Æthiopum, hi fuerunt illic.

86:5 Numquid Sion dicet : Homo et homo natus est in ea, et ipse fundavit eam Altissimus ?

86:6 Dominus narrabit in scripturis populorum et principum, horum qui fuerunt in ea.

86:7 Sicut lætantium omnium habitatio est in te.