124:1 Canticum graduum. Qui confidunt in Domino, sicut mons Sion : non commovebitur in æternum, qui habitat

124:2 in Jerusalem. Montes in circuitu ejus ; et Dominus in circuitu populi sui, ex hoc nunc et usque in sæculum.

124:3 Quia non relinquet Dominus virgam peccatorum super sortem justorum : ut non extendant justi ad iniquitatem manus suas,

124:4 benefac, Domine, bonis, et rectis corde.

124:5 Declinantes autem in obligationes, adducet Dominus cum operantibus iniquitatem. Pax super Israël !