150:1 Alleluja. Laudate Dominum in sanctis ejus ; laudate eum in firmamento virtutis ejus.

150:2 Laudate eum in virtutibus ejus ; laudate eum secundum multitudinem magnitudinis ejus.

150:3 Laudate eum in sono tubæ ; laudate eum in psalterio et cithara.

150:4 Laudate eum in tympano et choro ; laudate eum in chordis et organo.

150:5 Laudate eum in cymbalis benesonantibus ; laudate eum in cymbalis jubilationis.

150:6 Omnis spiritus laudet Dominum ! Alleluja.